منیبہ علی کی تاریخی سنچری، ویمنز ٹی20 میں یہ اعزاز حاصل کرنے والی پہلی پاکستانی بن گئیں

پاکستانی کرکٹر منیبہ علی نے تاریخ رقم کردی، ویمنز ٹی ٹوئنٹی انٹرنیشنلز اور ویمنز ورلڈکپ میں پاکستان کی طرف سے سنچری اسکور کرنے والی پہلی کھلاڑی بن گئیں۔

آئرلینڈ ویمن کے خلاف ٹی ٹوئنٹی ورلڈکپ 2023 کے گروپ میچ میں منیبہ نے رنز کے انبار لگادیے۔ 

منیبہ نے تاریخی اننگز کھیلتے ہوئے ٹی ٹوئنٹی کرکٹ میں سنچری داغ دی۔ انہوں نے 68 گیندوں پر 102 رنز کی شاندار اننگز کھیلی جس میں 14 چوکے بھی شامل تھے۔ 

واضح رہے کہ منیبہ علی کی سنچری کسی بھی پاکستانی ویمن کرکٹر کی جانب سے ویمنز ٹی ٹوئنٹی ورلڈکپ کے ساتھ ساتھ ٹی ٹوئنٹی فارمیٹ میں بھی پہلی سنچری ہے۔ 

اسی طرح منیبہ علی کی ویمنز ٹی ٹوئنٹی ورلڈکپ میں یہ پانچویں سب سے بڑی اننگز بھی تھی۔ 

بشکریہ جنگ