شعیب ملک نے بابر، عماد اور عامر کے معاملے پر کیا کہا؟

کراچی کنگز کے کھلاڑی شعیب ملک کا کہنا ہے کہ کھلاڑیوں کے درمیان عزت کا رشتہ نہیں ٹوٹنا چاہیے۔

پاکستان سپر لیگ میں کراچی کنگز اور پشاور زلمی کے درمیان ہونے والے میچ کے بعد پریس کانفرنس کے دوران شعیب ملک سے بابر اعظم، عماد وسیم اور محمد عامر کے معاملے سے متعلق سوال کیا گیا۔

شعیب ملک نے سوال کا جواب دیتے ہوئے کہا کہ میں نے دیکھا ہے کہ محمد عامر، بابر اعظم اور عماد وسیم جب ایک دوسرے سے ملتے ہیں تو بہت عزت سے ملتے ہیں۔

محمد عامر، عماد وسیم اور شرجیل خان کے ناموں پر غور کر رہے ہیں، چیف سلیکٹر

انہوں نے مزید کہا کہ پروفیشن کے حوالے سے یہاں موجود بہت سے لوگ کسی کو زیادہ پسند کرتے ہیں اور کسی کو کم پسند کرتے ہیں، ویسے آپ بھی ایک دوسرے کی عزت کرتے ہوں گے۔

ان کا یہ بھی کہنا ہے کہ اچھی بات ہے کہ کرکٹ میں سارے ایک دوسرے کی عزت کرتے ہیں اور کوئی بھی لائن کو کراس کرنے کی کوشش نہیں کرتا۔

بشکریہ جنگ