وہاب ریاض کو چھکے مارنے کے بعد بولروں کو مجھ سے ڈرنے کی ضرورت نہیں، افتخار احمد

پاکستان سُپر لیگ کی ٹیم کوئٹہ گلیڈی ایٹرز کے افتخار احمد نے کہا ہے کہ وہاب ریاض کو چھکے مارنے کے بعد بولروں کو مجھ سے ڈرنے کی ضرورت نہیں۔

جیو نیوز سے گفتگو کرتے ہوئے افتخار احمد نے کہا کہ وہاب ریاض جیسے ٹاپ بولر کو 6 چھکے مارے اس پر اللّٰہ کا شکر ادا کرتا ہوں کہ ایسا ممکن ہوا۔

افتخار احمد نے کہا کہ پی ایس ایل میں سب بولرز بہت میچور ہیں، میرا یقین ہے کہ دنیا کا بہترین بولنگ اٹیک پی ایس ایل میں ہوتا ہے۔

انہوں نے کہا کہ کوشش کروں گا کہ جتنے بھی چھکے مار سکا ماروں بس ٹیم کو جتوانا ہے۔

سابق کپتان نے کہا کہ میں نے وہاب ریاض کو 4 چھکے تو مارے ہیں لیکن افتخار نے 6 چھکے مار کر میرا والا کام پورا کردیا۔

افتخار احمد نے کہا کہ میچ ٹو میچ کھیلنا ہے، کرکٹ میں کسی ٹیم کو آسان نہیں لیا جا سکتا، اس مرتبہ کوئٹہ کو چیمپین بنانا ہے۔

بیٹنگ آل راؤنڈر نے کہا کہ کرکٹ کی خوبصورتی یہی ہے کہ بولرز اور بیٹرز ایک دوسرے کو چارج کریں، سب سے زیادہ مزہ اس پی ایس ایل میں ہوگا۔

بشکریہ جنگ