کراچی: سرجانی ٹاؤن میں ڈاکوؤں نے رہائشیوں کو بےہوش کرکے گھر کا صفایا کردیا

کراچی کے علاقے سرجانی ٹاؤن میں ڈاکوؤں نے گھر والوں کو بےہوش کرکے گھر کا صفایا کر ڈالا۔

نامعلوم ملزمان گھر میں کود کر داخل ہوئے، اسپرے کرکے گھر میں موجود افراد کو نیم بےہوش کیا اور واردات کی۔

اہلخانہ کا موقف ہے کہ ڈاکوؤں نے گھر سے طلائی زیورات، نقدی اور موبائل فونز چوری کیے۔

گزشتہ رات ہونے والی چوری کی واردات کا مقدمہ تھانہ سرجانی میں درج کر لیا گیا ہے۔

پولیس حکام کے مطابق کرائم سین یونٹ نے گھر سے فنگر پرنٹس اور دیگر شواہد اکٹھے کرلیے ہیں۔

بشکریہ جنگ