شاہنواز دھانی انجرڈ، پی ایس ایل سے باہر ہونے کا امکان

ملتان سلطانز کے فاسٹ بولر شاہنواز دھانی کے ایچ بی ایل پی ایس ایل 8 سے باہر ہونے کا امکان ہے۔ 

ترجمان ملتان سلطانز کے مطابق دھانی کے دائیں ہاتھ کی انگلی فریکچر ہو گئی، ان کی انگلی لاہور قلندرز کے سکندر رضا کی شاٹ لگنے سے فریکچر ہوئی۔ 

ملتان سلطانز کے ترجمان نے مزید بتایا کہ شاہنواز دھانی کے متبادل کھلاڑی کے لیے مشاورت جاری ہے۔

بتایا جارہا ہے کہ شاہنواز دھانی کے متبادل ویسٹ انڈیز کے کارلوس بریتھویٹ ہو سکتے ہیں۔

خیال رہے کہ گزشتہ روز کھیلے گئے ایونٹ کے پہلے میچ میں لاہور قلندرز نے اعصاب پر قابو رکھتے ہوئے سنسنی خیز مقابلے کے بعد ملتان سلطانز کو ایک رن سے شکست دیدی تھی۔

بشکریہ جنگ