وزیرِ اعلیٰ سندھ اور صوبائی وزراء کے خلاف درخواست نمٹا دی گئی
جماعتِ اسلامی کی جانب سے وزیرِاعلیٰ سندھ مراد علی شاہ اور دیگر کے خلاف توہینِ عدالت کی درخواست واپس لے لی گئی۔
درخواست گزار عثمان فاروق ایڈووکیٹ نے سندھ ہائی کورٹ میں کہا ہے کہ بلدیاتی انتخابات ہو چکے ہیں، اس لیے درخواست واپس لینا چاہتا ہوں۔
درخواست میں الیکشن کمیشن، وزیرِ اعلیٰ سندھ مراد علی شاہ، صوبائی وزیر ناصر حسین اور شرجیل انعام میمن کو فریق بنایا گیا تھا۔
درخواست گزار کا مؤقف تھا کہ سندھ حکومت نے انتخابات روکنے کے لیے الیکشن کمیشن کو مراسلہ لکھا۔
درخواست میں مراسلہ لکھنے پر وزیرِ اعلیٰ سندھ اور دیگر کے خلاف توہینِ عدالت کی کارروائی کرنے کی استدعا بھی کی گئی تھی۔
بشکریہ جنگ
Comments are closed.