کراچی: ڈیفنس کی عمارت سے گر کر 1 شخص جاں بحق

کراچی کے علاقے ڈیفنس کے فیز 5 میں عمارت کی پہلی منزل سے گر کر ایک شخص جاں بحق ہو گیا۔

پولیس کے مطابق متوفی عمارت کی پہلی منزل کے فلیٹ کی کھڑکی سے گر کر جاں بحق ہوا ہے۔

علاقہ پولیس کا کہنا ہے کہ واقعے سے قبل دوستوں اور متوفی میں پیسوں پر جھگڑا بھی ہوا تھا، جھگڑا 7 ہزار روپے کے غائب ہونے پر ہوا۔

پولیس نے بتایا ہے کہ متوفی کے دوستوں نے پیسے ڈھونڈنے کے لیے مرکزی دروازہ بند کر دیا تھا، متوفی فلیٹ سے بھاگنے کی کوشش کے نتیجے میں کھڑکی سے گر گیا۔

کراچی کی شارعِ فیصل پر لال کوٹھی کے قریب واقع ایک عمارت سے گر کر 2 مزدور جاں بحق ہو گئے، حادثے کی وجوہات بھی سامنے آگئیں۔

پولیس کا یہ بھی کہنا ہے کہ فلیٹ کی تلاشی کے دوران کوئی نشہ آور شے نہیں ملی ہے۔

متوفی کی لاش پوسٹ مارٹم کے لیے اسپتال منتقل کر دی گئی ہے۔

بشکریہ جنگ