بینظیر شہید نے طاقتور آمروں کو جمہوری جدوجہد سے شکست دی: آصف زرداری

سابق صدر آصف علی زرداری کا کہنا ہے کہ محترمہ بینظیر بھٹو شہید نے طاقتور آمروں کو جمہوری جدوجہد سے شکست دی۔

یہ بات سابق صدر آصف علی زرداری نے خواتین کے قومی دن پر جاری کیے گئے پیغام میں کہی ہے۔

ان کا کہنا ہے کہ آج کے دن پاکستان میں خواتین نے جمہوریت کی بحالی کے لیے بھرپور آواز بلند کی، مادرِ جمہوریت بیگم نصرت بھٹو اور محترمہ بینظیر بھٹو شہید کا کردار خواتین کے لیے مشعلِ راہ ہے۔

آصف زرداری نے کہا ہے کہ خاتون پی پی رہنماؤں اور کارکنوں نے جمہوریت کی بحالی کے لیے شاہی قلعے میں قید برداشت کی، پاکستان پیپلز پارٹی نے تمام شعبوں میں خواتین کی حص’ داری کو یقینی بنایا۔

وفاقی وزیر برائے ماحولیاتی تبدیلی سینیٹر شیری رحمٰن نے خواتین کے قومی دن پر پیغام جاری کیا ہے۔

ان کا مزید کہنا ہے کہ بینظیر انکم سپورٹ پروگرام سے خواتین کو ریاست کے ثمرات میں حصے دار بنایا گیا، باوقار اور مہذب معاشرے کے لیے ضروری ہے کہ خواتین کو برابری کے حقوق میسر ہوں۔

سابق صدر آصف زرداری نے یہ بھی کہا ہے کہ خواتین کو کم تر اور کمزور سمجھنے والی سوچ کو شکست دینا ہو گی، پیپلز پارٹی خواتین کو باوقار مقام دلوانے کی جدوجہد جاری رکھے گی۔

بشکریہ جنگ