قاسم اکرم نے عمران طاہر سے سیکھنے کی خواہش ظاہر کردی

پاکستان سپر لیگ (پی ایس ایل) فرنچائز کراچی کنگز کے نوجوان پلیئر قاسم اکرم نے جنوبی افریقی اسپنر عمران طاہر سے سیکھنے کی خواہش ظاہر کردی۔

کراچی میں میڈیا سے گفتگو میں قاسم اکرم نے کہا کہ خواہش ہے عمران طاہر سے لیگ اسپن کی مزید ورائٹی سیکھوں۔

انہوں نے کہا کہ کراچی کنگز کا ٹیم کامبنی نیشن اچھا ہے، پی ایس ایل کے دوران اچھا کھیلنے کی کوشش کریں گے۔

قاسم اکرم نے مزید کہا کہ پی ایس ایل کافی اچھا پلیٹ فارم ہے، کوشش کریں گے کہ ایونٹ میں اچھا کھیلیں۔

ان کا کہنا تھا کہ پی ایس ایل کی پرفارمنس ہمیشہ سب کو توجہ دلاتی ہے، ایونٹ سے سیکھنے کا اچھا موقع ملے گا۔

بشکریہ جنگ