شہباز گل نے رمیش کمار سے معافی مانگ لی

پاکستان تحریک انصاف (پی ٹی آئی) کے رہنما شہباز گل نے رمیش کمار سے معافی مانگ لی۔

 شہباز گل رمیش کمار کے گھر  پہنچے اور اپنے ریمارکس پر معافی مانگتے ہوئے کہا کہ ’میں نے جو کہا آپ کو اس سے تکلیف پہنچی ہو گی، مجھے افسوس ہوا جو بھی ہمارے درمیان ہوا‘۔

رمیش کمار نے کہا کہ  ٹی وی پر جو الفاظ کہے مجھے اس سے نقصان ہوا، آپ نے غلطی کا احساس کیا، جو گھر پر چل کر آئے اسے معاف کیا جاتا ہے۔

شہباز گل سے گفتگو کرتے ہوئے رمیش کمار نے کہا کہ جو ہتک عزت کا کیس کیا تھا اس کو ختم کرتا ہوں۔

یاد رہے کہ گزشتہ سال شہباز گل نے رمیش کمار کیلئے ٹی وی شو میں نازیبا الفاظ استعمال کیے تھے۔

بشکریہ جنگ