رات شیخ رشید کو کسی سے ملوانے لے کر گئے، شیخ راشد شفیق

سابق وزیرِ داخلہ شیخ رشید کے بھتیجے شیخ راشد شفیق کا کہنا ہے کہ مری سے واپسی پر رات شیخ رشید کو کسی سے ملوانے لے کر گئے۔

راولپنڈی میں آر او آفس این اے 62 کے باہر میڈیا سے گفتگو کرتے ہوئے شیخ راشد شفیق نے کہا کہ وفاداریاں تبدیل کرنے کا کہا جا رہا ہے، شیخ صاحب نے کہا عمران خان کے ساتھ ہوں۔

شیخ راشد شفیق کا کہنا ہے کہ رات 7 بجے جیل سے فون آیا کہ ہم شیخ رشید کو پیش نہیں کر رہے۔

شیخ رشید کے بھتیجے سابق ممبر قومی اسمبلی شیخ راشد شفیق کا کہنا ہے کہ دستاویزات لے کر متروکہ وقف املاک کے دفتر جا رہا ہوں۔

انہوں نے کہا کہ جیل سپرنٹنڈنٹ نے مجسٹریٹ کا حکم ماننے سے انکار کیا، آر او نے شیخ رشید کے کاغذات نامزدگی منظور کر لیے ہیں۔

بشکریہ جنگ