شاداب خان کی شادی میں ’روٹی گروپ‘ توجہ کا مرکز
آل راؤنڈر شاداب خان کی شادی میں قومی کرکٹرز کا ’روٹی گروپ‘ سب کی توجہ کا مرکز بنا رہا۔
خیال رہے کہ 2018 میں دورۂ نیوزی لینڈ کے دوران فخر زمان، شاداب خان، حسن علی ، محمد نواز ، آصف علی فارغ اوقات میں مل کر ایک ساتھ کھانے پینے اور حسین مناظر سے لطف اندوز ہونے ایک ساتھ نکلتے تھے۔
شاداب خان کا بتانا ہے کہ ہم نے اپنے اس گروپ کو ’روٹی گروپ‘ کا نام دے رکھا ہے۔
اب شاداب خان کی شادی میں فہیم اشرف، آصف علی، حسن علی اور فخر زمان نے ایک ساتھ دولہے کے ساتھ گروپ فوٹو بنوایا اور اس گروپ فوٹو، کو ’دی گینگ آف روٹی گروپ‘ کا نام دیا۔
حسن علی نے بھی اس گروپ فوٹو کو مذکورہ کیپشن کے ساتھ ہی اپنے انسٹاگرام اکاؤنٹ پر پوسٹ کیا۔
دوسری جانب شاداب خان کے ولیمے کے فوٹو گرافر نے بھی اس گروپ کی ایک مختصر ویڈیو کچھ ایسے ہی کیپشن کیساتھ جاری کی۔
اس ویڈیو اور تصویر پر سوشل میڈیا صارفین کی جانب سے بھی دلچسپ تبصرے کیے گئے۔
Comments are closed.