امجد اسلام امجد کو سپرد خاک کر دیا گیا
شاعر، دانشور اور ڈرامہ نگار امجد اسلام امجد کو لاہور کے میانی صاحب قبرستان میں سپرد خاک کر دیا گیا۔ نماز جنازہ میں عزیز و اقارب اور مرحوم کے چاہنے والوں نے شرکت کی۔
امجد اسلام امجد کی نماز جنازہ ڈیفنس فیز 1 کی جامع مسجد میں ادا کی گئی، جس میں مرحوم کے عزیز و اقارب، ادبی حلقوں کی شخصیات اور اہل علاقہ نے بڑی تعداد میں شرکت کی۔
نماز جنازہ کے بعد امجد اسلام امجد کا جسد خاکی تدفین کیلئے میانی صاحب لایا گیا۔
تدفین کے وقت بھی امجد اسلام امجد کے چاہنے والے بڑی تعداد میں موجود تھے۔
امجد اسلام امجد کو آج صبح ہارٹ اٹیک ہوا تھا جو جان لیو ثابت ہوا۔
بشکریہ جنگ
Comments are closed.