کراچی میں پاپوش قبرستان سے ملے انسانی بازو کی شناخت

کراچی میں بنارس پل کے قریب سے ملنے والے انسانی بازو اور دھڑ کی شناخت کا عمل جاری ہے۔ پولیس کا کہنا ہے کہ فنگر پرنٹس سے لاش کی شناخت شہباز نامی شخص کی ہوئی ہے۔

پولیس کا کہنا ہے کہ نادرا ریکارڈ کے مطابق مقتول 39 سالہ شہباز کوئٹہ کا رہنے والا تھا، نادرا ریکارڈ میں مقتول کے چار بہن بھائی اور والدین کی تفصیلات بھی سامنے آئی ہیں۔

دو روز قبل پاپوش قبرستان کے قریب سے سوٹ کیس سے انسانی دھڑ بھی ملا تھا، کچھ فاصلے پر بازو اور ہاتھ بھی ملا تھا۔

 ملنے والا دھڑ ممکنہ طور پر شہباز کا ہی ہے دونوں اعضاء کے ڈی این اے نمونے لے لیے گئے ہیں جس کی رپورٹ کا انتظار ہے۔

بشکریہ جنگ