شاداب خان کی شادی میں گانوں کے بجائے اسماءالحسنی کی تلاوت

قومی کرکٹ ٹیم کے آل راؤنڈر شاداب خان کی شادی کی تقریب میں گانے بجانے کے بجائے اسماء الحسنی کی تلاوت لگائی گئی۔

شاداب خان کی شادی کی تقریب سے سوشل میڈیا پر ایک ویڈیو وائرل ہورہی ہے جس کے بیک گراؤنڈ میں اسماءالحسنی کی تلاوت واضح آواز میں سنائی دے رہی ہے۔

سوشل میڈیا صارفین کی جانب سے کرکٹر کے اس اقدام کی خوب تعریفیں کی جارہی ہیں۔

کچھ صارفین کا یہ بھی کہنا ہے کہ ہم ہر دوسرا بیکار سوشل میڈیا ٹرینڈ فالو کرتے ہیں اس طرح کے اقدامات کو بھی فالو کرکے ٹرینڈ بنانا چاہیئے۔

واضح رہے کہ شاداب خان کا نکاح گزشتہ ماہ کرکٹر ثقلین مشتاق کی صاحبزادی سے ہوا تھا جبکہ بارات کی تقریب گزشتہ روز ہوئی جس میں قریبی رشتہ داروں سمیت سابق و موجودہ کرکٹرز نے شرکت کی۔

بشکریہ جنگ