کارِ سرکار میں مداخلت : 15 فروری کیلئے عمران خان کی طلبی کے لیے سمن جاری

اسلام آباد کی انسدادِ دہشت گردی کی عدالت نے چیئرمین پی ٹی آئی، سابق وزیرِ اعظم عمران خان کی طبی بنیادوں پر دائر حاضری سے استثنیٰ کی درخواست مسترد کر دی۔

کارِ سرکار میں مداخلت کے کیس کی انسدادِ دہشت گردی کی عدالت اسلام آباد میں سماعت ہوئی۔

اے ٹی سی نے 15 فروری کے لیے عمران خان کی طلبی کے سمن بھی جاری کر دیے۔

انسدادِ دہشت گردی کی عدالت کے جج نے کہا کہ عمران خان کی زمان پارک سے ایک ویڈیو جاری ہوئی جس میں وہ پیدل چلتے نظر آئے۔

سپریم کورٹ آف پاکستان میں نیب ترامیم کے خلاف عمران خان کی درخواست پر سماعت کے دوران جسٹس منصور علی شاہ نے عمران خان اور پی ٹی آئی کے کنڈکٹ پر اہم سوالات اٹھا دیے۔

عدالت نے اپنے حکم میں کہا کہ عمران خان 15 فروری کو آئیں یا نہ آئیں ہم ضمانت پر فیصلہ دے دیں گے۔

کارِ سرکار میں مداخلت کے کیس میں انسدادِ دہشت گردی کی عدالت نے عمران خان کو حاضری یقینی بنانے کا حکم بھی دیا۔

بشکریہ جنگ