جیسن روئے پی ایس ایل کیلئے پر جوش، گلیڈی ایٹرز کو چیمپئن بنانے کیلئے پُرامید

انگلش کرکٹر جیسن روئے پاکستان سپر لیگ (پی ایس ایل) کے لیے پرجوش ہیں، کہتے ہیں امید ہے یہ کوئٹہ گلیڈی ایٹرز کا سال ہو اور ہم ٹرافی اٹھائیں۔ 

اپنے ویڈیو پیغام میں کوئٹہ گلیڈی ایٹرز کی بیٹنگ لائن کے اہم ستون جیسن روئے کا کہنا تھا کہ پی ایس ایل 8 کے لیے کوئٹہ کو جوائن کرنے پر کافی پُرجوش ہوں۔

ان کا کہنا تھا کہ مارٹن گپٹل کے ساتھ اننگز کی شروعات کروں گا، ٹیم میں ہسارنگا جیسا پلیئر بھی موجود ہے۔

جیسن روئے نے کہا کہ مقامی پلیئرز بھی اچھے ہیں جو کوئٹہ گلیڈی ایٹرز کا اسکواڈ مضبوط بناتے ہیں۔

انہوں نے یہ بھی کہا کہ گلیڈی ایٹرز کا کوچنگ اسٹاف بھی کافی عمدہ ہے، امید ہے یہ کوئٹہ کا سال ہو اور ہم ٹرافی اٹھائیں۔

اپنے پیغام میں جیسن روئے کا کہنا تھا کہ بہت جلد پاکستان پہنچ رہا ہوں۔

بشکریہ جنگ