راجہ پرویز اشرف پی ٹی آئی ایم این ایز کو آنے دیں گے یا نہیں؟

اسپیکر قومی اسمبلی راجہ پرویز اشرف کا 43 پی ٹی آئی اراکینِ اسمبلی کے ایوان میں داخلے سے متعلق بیان سامنے آگیا۔

راجا پرویز اشرف نے کہا ہے کہ لاہور ہائیکورٹ کا فیصلہ ہمیں موصول نہیں ہوا۔

اسپیکر قومی اسمبلی نے کہا ہے کہ جب فیصلہ آ جائے گا، پڑھنے اور پرکھنے کے بعد فیصلہ کریں گے۔

اس سے قبل قومی اسمبلی سیکریٹریٹ نے 43 پی ٹی آئی اراکینِ اسمبلی کو ایوان میں نہ آنے دینے کا فیصلہ کیا تھا۔

قومی اسمبلی سیکریٹریٹ نے 43 پی ٹی آئی اراکینِ اسمبلی کو ایوان میں نہ آنے دینے کا فیصلہ کر لیا۔

واضح رہے کہ گزشتہ روز لاہور ہائی کورٹ کے جسٹس شاہد کریم نے پاکستان تحریکِ انصاف کے 43 ارکانِ اسمبلی کو ڈی نوٹیفائی کرنے کا الیکشن کمیشن کاحکم معطل کرتے ہوئے 43 حلقوں میں ضمنی الیکشن تاحکم ثانی روک دیا۔

بشکریہ جنگ