ترکیے اور شام میں زلزلے سے اموات 8 ہزار سے بڑھ گئیں

ترکیے اور شام میں پیر کو آنے والے شدید زلزلے سے مرنے والوں کی تعداد مسلسل بڑھ رہی ہے۔

غیرملکی میڈیا کے مطابق دونوں ممالک میں مجموعی طور پر اموات کی تعداد 8 ہزار 364 ہوگئی ہے جبکہ سیکڑوں افراد زخمی اور زیر علاج ہیں۔

رپورٹس کے مطابق ترکیے میں زلزلے کے باعث 5 ہزار 894 اور شام میں 2 ہزار 470 اموات ہوئیں۔

ترکی اور شام میں آنے والے زلزلے کے بعد سے دلخراش مناظر سامنے آنے کا سلسلہ جاری ہے۔

غیرملکی میڈیا کے مطابق شدید سرد موسم کے باعث امدادی کارکنوں کو زمین بوس عمارتوں کے ملبے تلے دبے افراد کو نکالنے میں شدید دشواری کا سامنا ہے۔

رپورٹس کے مطابق صرف ترکیہ میں 8 ہزار سے زائد افراد کو زندہ بھی نکال لیا گیا ہے۔

بشکریہ جنگ