غلام محمود ڈوگر کی معطلی کیخلاف اپیل سماعت کیلئے مقرر

سپریم کورٹ آف پاکستان نے سی سی پی او لاہور غلام محمود ڈوگر کی معطلی کے خلاف اپیل سماعت کے لیے مقرر کر دی۔

جسٹس اعجازالاحسن کی سربراہی میں 3 رکنی بینچ 25 جنوری کو سماعت کرے گا۔

جسٹس منیب اختر اور جسٹس مظاہر علی اکبر نقوی بینچ کا حصہ ہوں گے۔

سی سی پی او لاہور غلام محمود ڈوگر کو وفاق نے گورنر ہاؤس پر حملے کے بعد معطل کیا تھا۔

لاہور ہائی کورٹ نے سی سی پی او لاہور غلام محمود ڈوگر کی معطلی کے خلاف درخواست پر تحریری فیصلہ جاری کر دیا۔

غلام محمود ڈوگر کو سروس ٹریبونل کے 1 رکنی بینچ نے بحال جبکہ 2 رکنی بینچ نے معطل کیا۔

غلام محمود ڈوگر نے معطلی کے فیصلے کو چیلنج کر رکھا ہے۔

بشکریہ جنگ