امریکا کا یوکرینی ہیلی کاپٹر حادثے پر اظہار افسوس
امریکا نے یوکرین میں ہیلی کاپٹر حادثے میں یوکرینی وزیر داخلہ اور دیگر یوکرینی حکام کی ہلاکت پر افسوس کا اظہار کیا ہے۔
ترجمان وائٹ ہاؤس کا کہنا ہے کہ امریکا کو ہیلی کاپٹر حادثے کی وجہ کا علم نہیں ہے، امریکی صدر بائیڈن نے ہیلی کاپٹر حادثے کو المناک سانحہ قرار دیا ہے۔
وائٹ ہاؤس ترجمان جان کربی کا کہنا تھا کہ یوکرینی ہیلی کاپٹر حادثے میں قیمتی جانوں کے زیاں پر افسوس ہے، امریکا کی ہمدردیاں یوکرینی عوام اور زیلنسکی انتظامیہ کے ساتھ ہیں۔
جرمنی نے بھی ہیلی کاپٹر حادثے پر اظہار افسوس کرتے ہوئے یوکرین کو حادثے کی تحقیقات میں مدد کی پیش کش کی ہے۔
واضح رہے کہ یوکرینی دارالحکومت کیف کے مضافات میں ہیلی کاپٹر گر کر تباہ ہونے سے 14 افراد ہلاک ہوئے ہیں، ہلاک ہونے والوں میں یوکرینی وزیر داخلہ، اعلیٰ حکام اور ایک بچہ شامل ہے۔
ہیلی کاپٹر گرنے کی وجوہات کا تعین تاحال نہیں ہوسکا ہے۔
Comments are closed.