ایس ایس پی سینٹرل کی نارتھ کراچی میں جماعت اسلامی کے زخمی کارکن کی عیادت

نارتھ کراچی میں فائرنگ سے زخمی ہونے والے جماعت اسلامی کے کارکن کی نجی اسپتال میں سینیئر سپرنٹنڈنٹ پولیس (ایس ایس پی) سینٹرل معروف عثمان نے عیادت کی، ان کی خیریت دریافت کی اور واقعہ سے متعلق معلومات حاصل کیں۔

خیال رہے کہ نارتھ کراچی میں جماعت اسلامی کے کارکن دانش عابد پیر کو فائرنگ سے زخمی ہوگئے تھے۔

زخمی دانش کے مطابق اسے پہلے عقب سے کندھے پر گولی ماری گئی جب وہ زخمی ہو کر گرا تو ملزمان نے موبائل فون چھینا اور مزید دو گولیاں اس کے بازو پر ماریں۔

عیادت کے بعد ایس ایس پی سینٹرل معروف عثمان نے بتایا کہ فائرنگ کا واقعہ ڈکیتی، ٹارگٹ یا دشمنی ہے، اس کی تحقیقات کر رہے ہیں۔

انہوں نے مزید بتایا کہ جائے وقوعہ سے 30 بور پستول کا ایک خول ملا ہے، زخمی سے ملاقات کر کے تفتیش میں پیشرفت ہوئی ہے۔

بشکریہ جنگ