وسیم اکرم کے بیٹے تیمور اکرم مکسڈ مارشل آرٹس فائٹر بن گئے

پاکستان کرکٹ ٹیم کے سابق کپتان وسیم اکرم کے بیٹے تیمور اکرم مکسڈ مارشل آرٹس (ایم ایم اے) فائٹر بن گئے۔

وسیم اکرم نے ایک ویب سائٹ سے گفتگو کرتے ہوئے بتایا کہ تیمور نے حال ہی میں ایک فائٹ میں حصہ لیا تھا اور انہیں ایم ایم اے فائٹر بننے کا شوق ہے۔

انہوں نے کہا کہ میرا بیٹا تیمور امریکا میں رہتا ہے جہاں زیادہ کرکٹ نہیں ہے۔

سوئنگ کے سلطان نے یہ بھی کہا کہ میں نے اپنے بچوں کو اپنی مرضی کی زندگی گزارنے کا حق دیا ہے اگر وہ فائٹر بننا چاہتے ہیں تو انہیں بننا چاہیے۔

واضح رہے کہ تیمور اکرم نے سوشل میڈیا اکاؤنٹ پر اپنی ایک فائٹ کی ویڈیو بھی پوسٹ کر رکھی ہے۔

بشکریہ جنگ