گورنر پنجاب نے نگراں وزیراعلیٰ کی تقرری کیلئے نام طلب کرلیے

گورنر پنجاب بلیغ الرحمان نے وزیراعلیٰ اور قائد حزب اختلاف پنجاب اسمبلی کو نگراں وزیراعلیٰ کی تقرری کے معاملے پر مراسلہ جاری کر دیا۔

گورنر پنجاب نے اسمبلی تحلیل کرنے کی سمری پر دستخط نہیں کیے ، جس کے بعد اسمبلی آئینی طور پر تحلیل ہوچکی ہے۔

مراسلے کے مطابق گورنر پنجاب نے نگراں وزیراعلیٰ کیلئے متفقہ نام طلب کرلیا۔

ان کا کہنا تھا کہ پنجاب اسمبلی اور کابینہ تحلیل ہوچکی ہیں، وزیراعلیٰ اور قائد حزب اختلاف کے مشورے سے نگران وزیراعلیٰ کا تقرر کیا جائے گا۔

نگراں وزیراعلیٰ کا نام تین دن یعنی 17 جنوری رات 10 بجکر 10منٹ تک دے دیا جائے۔

بشکریہ جنگ