نادرا آفس میں منیجر اور ملازمین پر تشدد کی ویڈیو

شکر گڑھ میں نادرا آفس عملے کے مبینہ طور پر تاخیری حربے اور ناروا رویے کے خلاف ملزمان نے منیجر اور ملازمین کو شدید تشدد کا نشانہ بنایا، واقعے کی سی سی ٹی وی جیو نیوز کو موصول ہوگئی۔

تھانہ سٹی میں درج ایف آئی آر رپورٹ کے مطابق ملزمان نے نادرا آفس کے اہلکار اور منیجر کو لاتوں گھونسوں اور تھپڑوں سے تشدد کا نشانہ بنایا۔

 سی سی ٹی وی میں دیکھا جاسکتا ہے کہ ملزمان نے نادرا اہلکار کو سیٹ سے اٹھا کر تھپڑوں اور گھونسوں سے تشدد کا نشانہ بنایا اور مارتے ہوئے نادرا آفس سے باہر لے جا کر زد و کوب کیا۔

نادرا منیجر کی مدعیت میں پولیس نے 12 ملزمان کے خلاف مقدمہ درج کر لیا، تاہم کوئی ملزم گرفتار نہ کیا جا سکا۔

بشکریہ جنگ