لاہور، ملز مالکان کا آٹے کی قیمت کم کرنے سے انکار

گندم 4 ہزار روپے من ہونے کے باوجود لاہور میں ملز مالکان نے آٹے کی قیمت کم کرنے سے انکار کردیا۔

مارکیٹ ذرائع کے مطابق 20 کلو سرکاری آٹے کے تھیلے کی سپلائی بند کردی گئی جبکہ  10 کلو سرکاری آٹے کا تھیلا 648 روپے میں فروخت ہو رہا ہے۔

ذرائع کے مطابق 15 کلو آٹے کا کمرشل تھیلا 1900 روپے میں فروخت ہو رہا ہے۔

لاہور میں مہنگا آٹا ہونے کے بعد تندور مالکان نے روٹی اور نان کا وزن بھی کم کردیا ہے۔

لاہور میں ضلعی انتظامیہ نے نان اور روٹی کی قیمت بڑھانے سے انکار کردیا

مارکیٹ ذرائع کا بتانا ہے کہ روٹی 14 اور نان 25 روپے کی فروخت کی جارہی ہے۔

دوسری جانب مرغی کی فی کلو قیمت میں بھی 16 روپے اضافہ کردیا گیا ہے۔

مارکیٹ ذرائع کے مطابق مرغی کی نئی قیمت 501 روپے فی کلو ہوگئی ہے۔

بشکریہ جنگ