عمران خان کی عام انتخابات کی راہ ہموار کرنے کی کوشش
پاکستان تحریک انصاف (پی ٹی آئی) کے چیئرمین عمران خان نے عام انتخابات کی راہ ہموار کرنے کی کوشش شروع کردی۔
پی ٹی آئی ذرائع کا کہنا ہے کہ عمران خان نے قومی اسمبلی سے استعفوں کی منظوری کو حتمی شکل دینے کی ہدایت کردی۔
ذرائع پی ٹی آئی کا کہنا ہے کہ شاہ محمود، فواد چوہدری، اسد عمر و دیگر رہنما استعفوں کی منظوری کی حکمت عملی تیار کریں گے۔
ذرائع پی ٹی آئی کا کہنا ہے کہ رہنما تحریک انصاف اسپیکر قومی اسمبلی سے رابطے کریں گے۔ اسپیکر کے سامنے ممبران پیش ہو کر استعفوں کی منظوری کا مطالبہ رکھیں گے۔
پی ٹی آئی ذرائع کا کہنا ہے کہ قومی اسمبلی میں استعفوں کی منظوری سے متعلق قانونی پہلوؤں پر بھی مشاورت ہوگی۔
بشکریہ جنگ
Comments are closed.