شعیب ملک کو بیٹے کی یاد ستانے لگی
پاکستانی کرکٹ ٹیم کے سابق کپتان اور آل راؤنڈر شعیب ملک کو اپنے بیٹے اذہان مرزا ملک کی یاد ستانے لگی، بیٹے کو جلد ملنے کی نوید سنا دی۔
فوٹو اینڈ ویڈیو شیئرنگ پلیٹ فارم انسٹا گرام پر سابق کپتان شعیب ملک نے اپنے بیٹے اور اپنی تصاویر پر مبنی مختلف پوسٹ کیں۔
اس پوسٹ کے کیپشن میں انہوں نے لکھا کہ ’بابا آپ کو یاد کر رہے ہیں، بنگلہ دیش سے بہت سارا پیار، جلد ملیں گے‘۔
واضح رہے کہ شعیب ملک ان دنوں بنگلادیش پریمیئر لیگ (بی پی ایل) کے سلسلے میں بنگلادیش میں موجود ہیں جبکہ ان کا بیٹا اذہان اپنی والدہ ثانیہ مرزا کے ساتھ دبئی میں مقیم ہے۔
خیال رہے کہ گزشتہ چند ہفتوں سے شعیب ملک اور ان کی اہلیہ بھارتی ٹینس اسٹار ثانیہ مرزا کی علیحدگی کی خبریں کبھی زور پکڑتی تو کبھی دم توڑتی گردش کر رہی ہیں تاہم اس حوالے سے دونوں کی جانب سے باضابطہ طور پر کوئی اعلان نہیں کیا گیا ہے۔
جبکہ شعیب ملک نے حالیہ انٹرویو میں اس حوالے سے بات کرنے سے گریز کیا تھا۔
Comments are closed.