پی پی ایل: فورچون باریشل، سلہٹ اسٹرائیکرز نے اپنے میچ جیت لیے

بنگلا دیش پریمیئر لیگ میں فورچون باریشل نے رنگپور رائیڈرز کو 6 وکٹ سے ہرا دیا، دوسرے میچ میں سلہٹ اسٹرائیکرز نے ڈھاکا ڈومینیٹرز کو 62 رنز سے مات دی، فاتح ٹیم کے محمد عامر اور عماد وسیم کی دو، دو وکٹیں، ایونٹ کے میچز جیو سوپر سے براہ راست نشر کیے جارہے ہیں۔

میرپور میں کھیلے گئے میچ میں سلہٹ اسٹرائیکرز نے ڈھاکا ڈومینیٹرز کے خلاف پہلے بیٹنگ کرتے ہوئے 8 وکٹ کے نقصان پر 201 رنز بنائے، توحید ردوئے نے 84 رنز کی شاندار اننگز کھیلی،5 چوکے اور 5چھکے لگائے، نجم الحسین نے بھی 57 رنز اسکور کیے، ال امین حسین نے 3 وکٹیں حاصل کیں.

جواب میں ڈھاکا ڈومینیٹرز کی ٹیم 139 رنز بناسکی، ناصر حُسین 44 اور محمد متھون 42 رنز بنا کر نمایاں رہے، محمد عامر، عماد وسیم اور مشرفی مرتضٰی نے دو، دو کھلاڑیوں کو آؤٹ کیا۔

اس سے قبل کھیلے گئے میچ میں رنگپور رائیڈرز نے فورچون باریشل کو 6 وکٹ سے ہرا دیا، رنگپور رائیڈرز کے 158 رنز کے جواب میں فورچون باریشل نے ہدف آخری اوور میں 4 وکٹ کے نقصان پر حاصل کرلیا، ابراہیم زادران نے 52 رنز کی اننگز کھیلی۔

بشکریہ جنگ