ڈکی بھائی کی شادی کی تقریبات کا سلسلہ شروع ہوگیا
پاکستانی مشہور یوٹیوبر اور وی لاگر سعد الرحمٰن عرف ڈکی بھائی کی شادی کی تقریبات کا آغاز ہوگیا۔
فوٹو اینڈ ویڈیو شیئرنگ پلیٹ فارم انسٹاگرام پر انہوں نے اپنی اور اپنی اہلیہ عروج جتوئی کی رسم مایوں سے خوبصورت تصاویر شیئر کی ہیں، جس میں ان دونوں کو پیلے رنگ کے جوڑے میں پُرمسرت انداز میں دیکھا جاسکتا ہے۔
رسم مایوں کی تصاویر انسٹاگرام پر شیئر کرتے ہی ان کے مداحواں کی جانب سے مبارک باد کا سلسلہ شروع ہوگیا ہے ۔
یاد رہے کہ گزشتہ برس اپریل میں یوٹیوبر نے عروج جتوئی سے منگنی اور نکاح انتہائی خاموشی سے قریبی عزیز و اقارب کی موجودگی میں کیا تھا، جس کے بعد انہوں نے اپنی اہلیہ کو زندگی کا پہلا پیار بھی قرار دیا تھا۔
واضح رہے کہ یوٹیوبر کی اہلیہ کا تعلق شوبز انڈسٹری سے نہیں ہے۔
خیال رہے کہ ڈکی بھائی اپنے وی لاگز سے زیادہ ساتھی یوٹیوبرز سے لڑائی جھگڑوں کی وجہ سے مشہور ہیں۔
’ڈکی بھائی‘ کے نام سے چلانے والے یوٹیوب پر ان کے عام روٹین پر بنائے جانے والے وی لاگز بھی صارفین کی جانب سے پسند کیے جاتے ہیں۔
یوٹیوب پر ان کے سبسکرائبرز کی تعداد 3 ملین سے تجاوز کر چکی ہے۔
Comments are closed.