ملک بھر میں آٹے کی قیمتوں میں کمی کیلئے اہم اقدام کا فیصلہ
ملک بھر میں آٹے کی قیمتوں میں کمی کے لیے اہم اقدام کا فیصلہ کیا گیا ہے، وزارت نیشنل فوڈ سیکیورٹی نے آٹے کی قیمتوں میں فوری کمی کے لیے مداخلت کی تجویز دے دی۔
وزارت نیشنل فوڈ سیکیورٹی کے حکام کے مطابق پاسکو کے ذریعے صوبوں کو مزید گندم ریلیز کرنے کی تجویز دی گئی ہے۔
حکام وزارت نیشنل فوڈ سیکیورٹی نے بتایا کہ اضافی گندم ریلیز ہونے سے آٹے کی قیمتوں میں کمی آئے گی۔
حکام کا کہنا تھا کہ پاسکو کے ذریعے گندم ریلیز کرنے کی منظوری وزیراعظم سے لی جائے گی، وزیراعظم کے دورہ جنیوا سے واپسی پر مداخلت کی تجویز دی جائے گی۔
حکام کا کہنا ہے کہ وفاقی وزیر نیشنل فوڈ سیکیورٹی پاسکو سے گندم کی ریلیز پر وزیراعظم سے ملیں گے، وزیراعظم سے منظوری کے بعد پاسکو گندم ریلیز کرے گی۔
حکام نے کہا کہ اس وقت بھی صوبوں کو پاسکو گندم ریلیز کر رہا ہے، پنجاب، سندھ، خیبرپختونخوا اور بلوچستان کو 17 لاکھ ٹن گندم دی جا چکی ہے۔
قیمتیں زیادہ ہونے پر پاسکو صوبوں کو اضافی گندم ریلیز کرسکتا ہے۔
Comments are closed.