عالمی نمبر ون ٹینس پلیئر کارلوس الکراز آسٹریلین اوپن سے دستبردار

عالمی نمبر ون ٹینس پلیئر کارلوس الکراز (Carlos Alcaraz) ہیمسٹرنگ انجری کے باعث آسٹریلین اوپن سے دستبردار ہوگئے۔

اسپین کے 19سالہ کارلوس الکراز نے کہا ہے کہ آسٹریلین اوپن کے لیے سخت محنت کی تھی۔

کارلوس الکراز نے کہا کہ بدقسمتی سے میں اب آسٹریلین اوپن میں حصہ نہیں لے سکوں گا۔

انہوں نے کہا کہ مشکل ضرور ہے لیکن پُر امید ہوں کہ جلد فٹ ہو جاؤں گا۔

سربیا کے ٹینس اسٹار نواک جوکووچ کو کوویڈ ویکسی نیشن کے معاملے پر ٹینس ٹورنامنٹس میں شرکت سے روک دیا گیا ہے۔

غیرملکی میڈیا کے مطابق یہ لگاتار دوسرا برس ہے کہ عالمی نمبر ون پلیئر آسٹریلین اوپن میں شرکت نہیں کرے گا۔

واضح رہے کہ نواک جوکووچ گزشتہ برس آسٹریلیا سے ڈی پورٹ ہونے پر ایونٹ میں شرکت نہیں کر سکے تھے۔

بشکریہ جنگ