کراچی: سرکاری عمارتوں سے انتخابی مہم کے بینرز ہٹا دیے: الیکشن کمیشن

کراچی کے علاقے کورنگی کی سرکاری عمارتوں سے انتخابی مہم کے بینرز ہٹا دیے گئے۔

سندھ کے بلدیاتی انتخابات کے دوسرے مرحلے میں ضابطۂ اخلاق کی خلاف ورزی سامنے آئی تھی۔

ترجمان الیکشن کمیشن سندھ کے مطابق اس ضمن میں کورنگی کی سرکاری عمارتوں سے انتخابی مہم کے بینرز ہٹا دیے جبکہ کورنگی کے ایڈمنسٹریٹر اور چیف انجینئر پی ڈبلیو ڈی کومراسلات ارسال کیے گئے۔

الیکشن کمیشن آف پاکستان نے کراچی و حیدرآباد کے بلدیاتی انتخابات اور دہری الیکٹورل فہرستوں کے معاملے پر ایم کیو ایم کی درخواست پر فیصلہ محفوظ کر لیا۔

الیکشن کمیشن کے ترجمان نے حکم میں کہا ہے کہ انتخابی شیڈول کے دوران کسی بھی نئے ترقیاتی منصوبے کا اجراء نہ کیا جائے؎

ترجمان الیکشن کمیشن نے ہدایت کی ہے کہ کسی نئے منصوبے کا اعلان بھی نہ کیا جائے، کسی بھی مکمل شدہ ترقیاتی منصوبےکا افتتاح بھی نہ کیا جائے۔

الیکشن کمیشن کے ترجمان کا یہ بھی کہنا ہے کہ ضابطۂ اخلاق کی خلاف ورزی پر قانون کے مطابق کارروائی عمل میں لائی جائے گی۔

بشکریہ جنگ