پولیس نے جماعت اسلامی کی ریلی کو مسلم جیمخانہ پر روک لیا

وزیر اعلیٰ ہاؤس پر دھرنا دینے کیلئے نکلنے والے جماعت اسلامی کے کارکنوں نے مسلم جیم خانہ کے سامنے دھرنا دے دیا، پولیس نے مسلم جیم خانے کے سامنے ریلی کو آگے جانے سے روک دیا۔

اس سے قبل ریلی کو روکنے کیلئے ایوان صدر روڈ پر پولیس کی بھاری نفری تعینات کی گئی، انتظامیہ کی جانب سے جماعت اسلامی کی ریلی کو وزیر اعلیٰ ہاؤس کی جانب پیش قدمی سے روکنے پر منانے کی کوشش کی گئی۔

ضیاء الدین احمد روڈ بند ہونے سے اطراف کی سڑکوں پر ٹریفک کا دباؤ بڑھ گیا ہے۔

ڈی آئی جی ساؤتھ آفس کے سامنے ریلی کو روک لیا گیا تھا، جہاں ریلی کے شرکاء  نے نماز مغرب ادا کی۔

امیر جماعت اسلامی کراچی  حافظ نعیم الرحمان کا کہنا تھا کہ کوئی رکاوٹ خاطر میں نہیں لائیں گے، کارکن اگلے اعلان کا انتظار کریں۔

بشکریہ جنگ