ویڈیو: محمد نواز نے بہترین تھرو سے اولی پوپ کو رن آؤٹ کیا

انگلینڈ کے خلاف دوسرے ٹیسٹ کی دوسری اننگز میں محمد نواز نے عمدہ فیلڈنگ کا مظاہرہ کرتے ہوئے اولی پوپ کو شاندار انداز میں رن آؤٹ کیا۔

محمد نواز  کی بہترین انداز میں تھرو کرنے کی ویڈیو پی سی بی نے شیئر کردی۔

انگلینڈ کے خلاف 38ویں اوور میں جب ابرار احمد اپنا اوور کروارہے تھے تو اوور کی چوتھی گیند پر اولی پاپ نے شارٹ کھیلا، فیلڈنگ پر موجود محمد نواز نے انتہائی پھرتی کا مظاہرہ کرتے ہوئے گیند پکڑنے کے بعد فوراً ہی کیپر کی طرف پھینکی جہاں رضوان نے اولی پوپ کو رن آؤٹ کردیا۔

یوں 155 کے اسکور پر انگلینڈ کو چوتھی وکٹ کا نقصان اٹھانا پڑا اور اولی پوپ ابرار کی گیند پر 4 رنز بناکر آؤٹ ہوگئے۔

واضح رہے کہ ملتان ٹیسٹ کے دوسرے دن کے کھیل کے اختتام پر انگلینڈ نے دوسری اننگز میں 5 وکٹوں پر 202 رنز بنالیے، اس طرح اسے پاکستان کے خلاف 281 رنز کی مجموعی برتری حاصل ہوگئی ہے۔

بشکریہ جنگ