وزیرِ اعظم آزاد کشمیر کے ہیلی کاپٹر کے باعث آج بھی میچ نہ ہو سکا

وزیرِ اعظم آزاد کشمیر تنویر الیاس کے ہیلی کاپٹر کو مظفر آباد کے کرکٹ اسٹیڈیم میں لینڈ کر دیا گیا۔

وزیر اعظم آزاد کشمیر کا ہیلی کاپٹر اترنے کے باعث کلب ٹورنامنٹ کا میچ روک دیا گیا، کل سے گراؤنڈ میں کھڑے ہیلی کاپٹر کی وجہ سے آج بھی میچ نہ ہو سکا۔

کھلاڑی کا کہنا ہے کہ ٹیموں نے 50 ہزار روپے فی میچ فیس جمع کرا کر گراؤنڈ حاصل کر رکھا ہے۔

منگلا یونٹ 5 اور 6 کی تجدید کاری کی تقریب کے دوران وزیرِ اعظم شہباز شریف اور وزیرِ اعظم آزاد کشمیر سردار تنویر الیاس کے درمیان تکرار ہوئی ہے۔

مظفر آباد کے کمشنر مسعود الرحمٰن نے کہا کہ وزیرِ اعظم آزاد کشمیر کو دیر ہو رہی تھی اس وجہ سے ہیلی کاپٹر اسٹیڈیم میں اتارا گیا۔

مسعود الرحمٰن کا کہنا ہے کہ ایس او پی کے مطابق ہیلی کاپٹر جلد دوسری جگہ منتقل کر دیا جائے گا۔

بشکریہ جنگ