بہت عرصے بعد ایسا ٹیسٹ میچ دیکھنے میں آیا ہے، بین اسٹوکس

انگلش کرکٹ ٹیم کے کپتان بین اسٹوکس نے کہا ہے کہ بہت عرصے کے بعد اس طرح کا ٹیسٹ میچ دیکھنے میں آیا ہے۔

راولپنڈی ٹیسٹ میں فتح کے بعد میڈیا سے گفتگو میں بین اسٹوکس نے کہا کہ ایسا نہیں کہ ہم نے تیز کرکٹ کھیلی، دراصل ہم نے ٹیسٹ کو ٹیسٹ سمجھ کر کھیلا۔

قومی کرکٹ ٹیم کے کپتان بابراعظم نے کہا ہے کہ پنڈی ٹیسٹ جیتنے کے لیے کھیل رہے تھے، پاکستان میچ اپنے حق میں ختم نہیں کر پا رہا۔

انہوں نے کہا کہ ہر کھلاڑی نے میچ کو نتیجہ خیز بنانے میں اپنا حصہ ڈالا، بہت عرصے کے بعد اس طرح کا ٹیسٹ میچ دیکھنے میں آیا ہے۔

انگلش کپتان نے مزید کہا کہ پاکستان ٹیسٹ کی اچھی ٹیم ہے، کھیل کو انجوائے کیا، کھیل کے آخری دن گیند کافی سوئنگ ہوا ، ہم نے بولرز کا استعمال کیا۔

ان کا کہنا تھا کہ جمی اینڈرسن کا ٹیم میں ہونے سے ہمیں ایڈوانٹیج ملا۔

بشکریہ جنگ