سیمی فائنل میں شکست کے بعد بھارتی کوچ راہول ڈریوڈ کو آرام دیدیا گیا

ٹی ٹوئنٹی ورلڈ کپ کے سیمی فائنل میں انگلینڈ سے شکست کے بعد بھارتی کرکٹ ٹیم کے کوچ راہول ڈریوڈ کو آرام دے دیا گیا۔

میڈیا رپورٹ مطابق بھارتی ٹیم کے تمام کوچنگ اسٹاف کو بھی آرام دے دیا گیا ہے، دورۂ نیوزی لینڈ میں وی وی ایس لکشمن بھارتی ٹیم کے قائم مقام کوچ ہوں گے۔

رپورٹس کے مطابق این سی اے کا کوچنگ اسٹاف دورہ نیوزی لینڈ میں ذمہ داریاں نبھائے گا۔

نیوزی لینڈ میں ہاردیک پانڈیا ٹی ٹوئنٹی جبکہ شیکھر دھون ون ڈے سیریز میں کپتانی کریں گے۔

روہت شرما، ویرات کوہلی، کے ایک راہول اور روی چندرن ایشون پہلے ہی بھارتی اسکواڈز میں شامل نہیں تھے۔

واضح رہے کہ بھارت نے 18 نومبر سے ویلنگٹن میں نیوزی لینڈ کے خلاف 6 وائٹ بال سیریز کے میچز کا آغاز کرنا ہے۔

بشکریہ جنگ