ٹی 20 ورلڈ کپ، بھارت کی انگلینڈ کیخلاف بیٹنگ جاری

انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے دوسرے سیمی فائنل میں بھارت کی انگلینڈ کے خلاف بیٹنگ جاری ہے۔

ایڈیلیڈ میں کھیلے جا رہے میچ میں انگلینڈ کے کپتان جوز بٹلر نے ٹاس جیت کر پہلے بولنگ کا فیصلہ کیا ہے۔

بھارت کی چوتھی وکٹ 136 رنز پر گر گئی، ویرات کوہلی 50 رنز بنا کر آؤٹ ہوئے۔

بھارت کی پہلی وکٹ 9 رنز پر گری تھی، کے ایل راہول 5 رنز بنا کر آوٹ ہو گئے جبکہ دوسری وکٹ 56 رنز پر گری تھی، بھارتی کپتان 28 گیندوں پر 27 رنز بنا کر کیچ آؤٹ ہو گئے اور بھارت کی تیسری وکٹ 75 رنز پر گری تھی، سوریا کمار یادیو 14 رنز بنا کر آؤٹ ہوئے تھے۔

انگلینڈ کی جانب سے کرس جارڈن اور کرس ووکس نے ایک ایک وکٹ حاصل کی۔

انگلش کپتان جوز بٹلر کا کہنا ہے کہ ہم میچ کے لیے ایکسائیٹڈ ہیں، ٹیم میں دو تبدیلیاں کی  گئی ہیں، وکٹ اچھی نظر آ رہی ہے۔

بھارتی کپتان روہت شرما نے کہا کہ ہم اچھی کرکٹ کھیلیں گے، ہم ان کی خامیاں اور خوبیاں جانتے ہیں۔

روہت شرما کا کہنا ہے کہ ہم ایک ٹیم کی طرح کھیلیں گے اور ٹورنامنٹ جیتیں گے۔

واضح رہے کہ گزشتہ روز پاکستان نے ٹی ٹوئنٹی ورلڈکپ 2022 کے سیمی فائنل میں نیوزی لینڈ کو 7 وکٹوں سے شکست دے کر تیسری مرتبہ فائنل کے لیے کوالیفائی کر لیا ہے۔

نیوزی لینڈ کی جانب سے دیا گیا 153 رنز کا ہدف پاکستان نے آخری اوور میں 3 وکٹوں کے نقصان پر حاصل کیا تھا۔

بشکریہ جنگ