عمران خان کا زمان پارک کو سیاسی سرگرمیوں کامرکز بنانے کا فیصلہ

پی ٹی آئی کے چیئرمین عمران خان نے زمان پارک کو سیاسی سرگرمیوں کا مرکز بنانے کا فیصلہ کرلیا ہے۔

پی ٹی آئی ذرائع کے مطابق عمران خان لاہور کے زمان پارک سے ہی پارٹی کے تمام معاملات کو دیکھیں گے۔

اسی مقام سے چیئرمین پی ٹی آئی روزانہ کی بنیادوں پر پارٹی کے مختلف اجلاسوں کی صدارت کریں گے۔

ذرائع کا کہنا ہے کہ عمران خان حقیقی آزادی مارچ کی قیادت کرنے زمان پارک سے راولپنڈی پہنچیں گے اور یہاں سے ہی مارچ کی مانیٹرنگ کریں گے۔

ان کا کہنا ہے کہ حقیقی آزادی مارچ کے آئندہ کے لائحہ عمل کی تیاری اور پارٹی چیئرمین کا ورچوئل خطاب بھی زمان پارک سے ہی کیا جائے گا۔

بشکریہ جنگ