انگلینڈ اور ویسٹ انڈیز کیخلاف آسٹریلوی ون ڈے اور ٹیسٹ اسکواڈ کا اعلان

آسٹریلیا کرکٹ نے انگلینڈ کے خلاف ون ڈے اور ویسٹ انڈیز کے خلاف ٹیسٹ سیریز کے لیے اپنے اسکواڈز کا اعلان کر دیا۔

آسٹریلیا میں تین ون ڈے میچز 17، 19 اور 22 نومبر کو ایڈیلیڈ، سڈنی اور میلبرن میں ہوں گے۔

آسٹریلیا اور ویسٹ انڈیز کے درمیان پہلا ٹیسٹ 30 نومبر اور دوسرا ٹیسٹ 8 دسمبر سے شروع ہو گا۔

ٹیسٹ اور ون اسکواڈ کی قیادت فاسٹ بولر پیٹ کمنز کریں گے، ایرون فنچ کی ریٹائرمنٹ کے بعد پیٹ کمنز پہلی مرتبہ ون ڈے ٹیم کی قیادت کریں گے۔

چیئر آف سلیکٹر جارج بیلی کا کہنا ہے کہ ایرون فنچ کی جگہ ٹریوس ہیڈ کو ون ڈے اسکواڈ میں شامل کیا گیا ہے، انہوں نے پاکستان اور سری لنکا میں اچھا پرفارم کیا تھا۔

جارج بیلی نے کہا کہ اگلے برس بھارت میں ہونے والے ون ڈے ورلڈ کپ کے لیے سیریز بڑی اہمیت کی حامل ہے۔

انہوں نےکہا کہ ٹیسٹ اسکواڈ میں تبدیلیاں نہیں کی گئی ہیں، مارکوس ہیرس بھی جگہ برقرار رکھنے میں کامیاب رہے۔

بشکریہ جنگ