پاک کیویز سیمی فائنل، متنازع فیصلوں پر تنقید کے شکار ایراسمس امپائر مقرر

انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ کے سیمی فائنل مرحلے کے لیے میچ آفیشلز کا اعلان کر دیا گیا۔

آئی سی سی نے جنوبی افریقی ماریس ایراسمس کو پاکستان اور نیوزی لینڈ کے درمیان ہونے والے سیمی فائنل میں امپائر مقرر کیا ہے۔

ماریس ایراسمس ورلڈ کپ میں متنازع فیصلوں کی وجہ سے تنقید کا شکار رہے ہیں، ان کے ساتھ رچرڈ النگورتھ بھی آن فیلڈ امپائر ہوں گے۔

سابق آسٹریلوی آل راؤنڈر شین واٹسن کا کہنا ہے کہ ہر کوئی ٹی ٹوئنٹی ورلڈ کپ کے فائنل میں پاکستان اور بھارت کو دیکھنا چاہے گا۔

پاکستان اور نیوزی لینڈ کے سیمی فائنل میچ میں رچرڈ کیٹلبرا کو تھرڈ امپائر اور مائیکل گف کو فورتھ امپائر مقرر کیا گیا ہے جبکہ کرس براڈ میچ ریفری ہوں گے۔

آئی سی سی نے بھارت اور انگلینڈ کے سیمی فائنل میں کمار دھرماسینا اور پال ریفل فیلڈ امپائر مقرر کیا ہے۔

دوسرئ سیمی فائنل میں کرس گفانی ایڈیلیڈ میں تھرڈ امپائر اور روڈ ٹکر فورتھ امپائر کے فرائض انجام دیں گے جبکہ ڈیوڈ بون میچ ریفری ہوں گے۔

بشکریہ جنگ