نیدرلینڈز کے آل راؤنڈر کولن ایکرمین پاک بھارت فائنل دیکھنے کے خواہاں

نیدرلینڈز کرکٹ ٹیم کے آل راؤنڈر کولن ایکرمین پاک بھارت فائنل کے منتظر ہیں۔

مائیکروبلاگنگ سائٹ ٹوئٹر پر کولن ایکرمین نے ایک بھارتی سوشل میڈیا صارف کو پاک بھارت فائنل میچ کی خواہش ظاہر کرکے لاجواب کر دیا۔

مفضل وہرہ نامی بھارتی سوشل میڈیا صارف نے لکھا کہ اگر انڈیا زمبابوے کو شکست دیتا ہے تو نیدرلینڈز کو ٹی ٹونٹی ورلڈ کپ 2024 میں براہ راست کوالیفائی کرنے میں مدد ملے گی۔

بھارتی صارف کو کرارا جواب دیتے ہوئے کولن ایکرمین کا کہنا تھا کہ، معذرت بھائی، ہم پہلے ہی کوالیفائی کر چکے ہیں۔T20 ورلڈ کپ 2022 کے لیے۔ شکریہ

اس کے ساتھ ہی آل راونڈر کولن ایکرمین نے ٹی ٹونٹی ورلڈ کپ کے فائنل میں پاک بھارت ٹاکرا دیکھنے کی خواہش کا اظہار کر دیا۔

واضح رہے 09 نومبر کو پاکستان نیوزی لینڈ جبکہ 10 نومبر کو بھارت انگلینڈ کے خلاف سیمی فائنل کھیلیں گے۔

جبکہ جنوبی افریقہ کے خلاف شاندار جیت کے بعد نیدرلینڈز گروپ 2 کی ٹاپ 4 ٹیمز میں شامل ہوگیا۔

نیدرلینڈز کی گروپ 2 کی ٹاپ 4 میں شمولیت نے انہیں اگلے ٹی ٹونٹی ورلڈ کپ 2024 کی دوڑ میں براہ راست رسائی ممکن بنا دی۔

بشکریہ جنگ