خیبرپختونخوا پولیس کی زیرنگرانی میں موٹرویز کو بند کیا جارہا ہے، ایمل ولی

عوامی نیشنل پارٹی (اے این پی) خیبرپختونخوا کے صدر ایمل ولی خان کا کہنا ہے کہ خیبرپختونخوا میں پولیس کی زیر نگرانی میں موٹرویز کو بند کیا جا رہا ہے۔

سماجی رابطے کی سائٹ ٹوئٹر پر جاری کیے گئے اپنے بیان میں ایمل ولی نے کہا کہ عوام کی گاڑیوں اور ذاتی و سرکاری املاک کو نقصان پہنچایا جا رہا ہے۔

انہوں نے سوال پوچھتے ہوئے کہا کہ آئی جی پولیس صرف یہ وضاحت کریں کہ یہ خیبرپختونخوا کی پولیس ہے یا پی ٹی آئی کی؟

ایمل ولی کا کہنا ہے کہ پولیس کے اعلیٰ ذمے داران کیوں غلام ڈوگر بننے کے چکر میں پولیس کا مورال تباہ کر رہے ہیں۔

بشکریہ جنگ