کراچی، پولیس مقابلے میں 2 انتہائی مطلوب ملزمان ہلاک

کراچی کے علاقے اسٹیل ٹاؤن میں مبینہ پولیس مقابلے میں 2 انتہائی مطلوب ملزمان ہلاک ہوگئے۔

پولیس کا کہنا ہے کہ ملزمان سادہ لباس پولیس اہلکاروں سے لوٹ مار کررہے تھے، جوابی کارروائی میں دونوں ملزمان مارے گئے جبکہ ان کا ایک ساتھی فرار ہوگیا۔

کراچی میں سرسید تھانے کی حدود بلال کالونی میں کومبنگ آپریشن کے دوران ڈاکو نے گھر سے پولیس پر فائرنگ کردی جس سے ایس ایچ او شاہد تاج زخمی ہوگیا، ملزم نے فائرنگ کرتے ہوئے فرار ہونے کی کوشش لیکن پولیس کی جوابی فائرنگ سے مارا گیا۔

پولیس کے مطابق ملزمان نے کچھ دیر قبل ڈکیتی مزاحمت پر شہری کو قتل بھی کیا تھا۔

دوسری جانب اورنگی ٹاؤن فرنٹیئر کالونی اور آئی سی آئی پل کے قریب فائرنگ سے 4 افراد زخمی ہوگئے۔

بشکریہ جنگ