شاہنواز ڈاہانی کی ویرات کوہلی کو ایک دن پہلے سالگرہ کی مبارک باد

پاکستانی فاسٹ بولر شاہنواز ڈاہانی نے سابق بھارتی کپتان اور بیٹر ویرات کوہلی کو سالگرہ کی مبارک باد دی ہے۔

اپنے ٹوئٹر اکاؤنٹ پر شاہنواز ڈاہانی نے گریٹیسٹ آف آل ٹائم کےلیے ہیپی برتھ ڈے کا پیغام بھیج دیا، ساتھ ہی ویرات کوہلی کے ساتھ اپنی تصویر بھی شیئر کی۔

شاہنواز ڈاہانی نے ویرات کوہلی کو سالگرہ  کی مبارک باد ایک دن پہلے جاری کی اور سابق بھارتی کپتان کو کرکٹ کو خوبصورت بنانے والا آرٹسٹ قرار دیا۔

انہوں نے سماجی رابطے کی ویب سائٹ پر 4 نومبر کو پیغام جاری کیا اور کہا کہ کرکٹ کو خوبصورت بنانے والے آرٹسٹ ویرات کوہلی کو سالگرہ کی مبارک باد دینے کےلیے 5 نومبر کا انتظار نہیں کرسکتا۔

پاکستانی فاسٹ بولر نے بھارتی بیٹر کو مخاطب کرتے ہوئے کہا کہ بھائی اپنا دن انجوائے کریں اور دنیا کو اپنے کھیل سے محظوظ کرتے رہے۔

بشکریہ جنگ