پشاور کے منفرد ریستوران میں ’چور‘ کھانا پیش کریں گے

پشاور میں نیٹ فلکس کی مشہور زمانہ سیریز ’منی ہائسٹ‘ کی طرز پر ’بیلا چاؤ‘ نامی کیفے قائم کردیا گیا۔

سوشل میڈیا پر وائرل ہونے والی ویڈیوز سے معلوم ہوتا ہے کہ اس ریستوران کے ویٹرز منی ہائسٹ کے کرداروں یعنی چوروں کا لباس اور ماسک پہن کر کسٹمرز کو سروس فراہم کر رہے ہیں۔

ریستوران کا مینو بھی منی ہائسٹ کے کرداروں کے نام پر رکھا گیا ہے جیسے پروفیسر اسٹیک، ٹوکیو برگر، نیروبی پیزا وغیرہ جبکہ ریستوران کے ویٹرز کسٹمرز کو کالے بریف کیس میں کھانا پیش کرتے ہیں۔

منفرد انداز کے اس ریستوران کو کھولنے کا مقصد شہریوں کو تفریح کا ایک موقع فراہم کرنا ہے، گزشتہ چند روز قبل اس ریستوران کا باضابطہ افتتاح کیا گیا ہے۔

ریستوران کے افتتاح کے ساتھ ہی اس کی مقبولیت اتنی پھیل گئی ہے کہ مختلف قریبی شہروں سے بھی لوگ جوق در جوق ریستوران کا رُخ کر رہے ہیں

بشکریہ جنگ