شاداب نے جنوبی افریقہ کیخلاف بیٹنگ کو اپنی بہترین اننگز قرار دے دیا

جنوبی افریقہ کے خلاف میچ کے ہیرو آل راؤنڈر شاداب خان نے جنوبی افریقہ کے خلاف میچ میں اپنی اننگز کو بہترین اننگز میں سے ایک قرار دیدیا۔

سڈنی میں بعداز میچ پریس کانفرنس کرتے ہوئے شاداب خان کا کہنا تھا کہ آج کے میچ کی اننگز ان کے بین الاقوامی ٹی ٹوئنٹی میچز کی بہترین اننگز میں سے ایک ہے۔ 

سابق کپتان شاہد آفریدی نے ٹی ٹوئنٹی ورلڈکپ میں جنوبی افریقا کے خلاف میچ میں قومی کھلاڑیوں بلخصوص شاداب خان کو جارحانہ بیٹنگ پیش کرنے پر سراہا اور اسے مخالفین کو بہترین جواب قرار دے دیا۔

انہوں نے کہا کہ جنوبی افریقہ کے خلاف میچ میں سادہ منصوبہ بنایا تھا، کوئی خاص حکمت عملی نہیں بنائی تھی۔

شاداب خان کا کہنا تھا کہ آج کی جیت بہت اہم تھی، جیت جیت ہوتی ہے۔ 

اسٹار آل راؤنڈر نے کہا کہ دوسری ٹیموں کے نتائج ہمارے ہاتھ میں نہیں، ٹی ٹوئنٹی میں کوئی ٹیم آسان نہیں ہوتی۔

انہوں نے افتخار کے ساتھ اپنی پارٹنرشپ سے قبل محمد نواز اور افتخار احمد کی پاٹنرشپ کو اہم قرار دے دیا۔ 

شاداب خان نے آئندہ میچ کی حکمت عملی سے متعلق کہا کہ بنگلادیش کے خلاف میچ میں کنڈیشن دیکھ کر منصوبہ بنائیں گے۔

بشکریہ جنگ