انٹر بورڈ کراچی نے گیارہویں جماعت سائنس کی نئی درسی کتب کے ماڈل پیپرز جاری کردیے

اعلیٰ ثانوی تعلیمی بورڈ کراچی نے سندھ ٹیکسٹ بک بورڈ کی جانب سے انٹرمیڈیٹ سال اوّل کی ریاضی، کیمسٹری، انگلش اور بائیولوجی کی نئی درسی کتب کے مطابق سالانہ امتحانات برائے 2023ء کیلئے ماڈل پیپرز جاری کردیے ہیں۔

بورڈ کے اعلامیہ کے مطابق طلبہ یہ ماڈل پیپرز انٹربورڈ کراچی کی ویب سائٹ www.biek.edu.pk اور آفیشل فیس بک پیج  https://www.facebook.com/BIEKarachi سے ڈاؤن لوڈ کرسکتے ہیں۔

انٹربورڈ کراچی نے واضح کیا ہے کہ عملی امتحانات کیلئے نئی کتب شائع نہیں ہوئی ہیں، اس لیے رواں سال کیمسٹری، فزکس، بوٹنی، زولوجی اور کمپیوٹر کے عملی امتحانات پچھلے نصاب کے مطابق ہی لیے جائیں گے۔ 

علاوہ ازیں اسٹیئرنگ کمیٹی اگر کوئی فیصلہ کرتی ہے تو ماڈل پیپرز میں دی گئی مارکنگ اسکیم میں تبدیلی کی جاسکتی ہے جس سے متعلق طلبہ کو آگاہ کر دیا جائے گا۔

بشکریہ جنگ