کنگ چارلس کی موسمیاتی تبدیلی پر اجلاس میں شرکت سے متعلق نیا بیان سامنے آگیا
کنگ چارلس سوم نے برطانیہ کے نئے وزیر اعظم رشی سونک کے موسمیاتی تبدیلی پر اجلاس میں شرکت کے حوالے سے بڑا یو ٹرن لینے کے بعد ایک نیا بیان جاری کیا ہے۔
بین الاقوامی میڈیا کی رپورٹ کے مطابق، برطانوی وزیرِاعظم رشی سونک کے موسمیاتی تبدیلی کے سربراہی اجلاس میں شرکت کے فیصلے کے بعد بکنگھم پیلس کی جانب سے ایک نیا بیان جاری کیا گیا ہے۔
اس بیان میں کہا گیا ہے کہ جیسا کہ یہ پہلے ہی واضح کردیا گیا تھا، حکومت کے ساتھ متفقہ معاہدے کے تحت کنگ چارلس سوم موسمیاتی تبدیلی پر اجلاس میں شرکت نہیں کریں گے۔
بیان میں مزید کہا گیا ہے کہ ان کی توجہ اس جمعہ کو بکنگھم پیلس میں موسمیاتی تبدیلی پر اجلاس سے قبل ہونے والے استقبالیے پر مرکوز ہے، جہاں سینئر کاروباری رہنما، ماہرین اور این جی اوز کے سربراہی اجلاس کے اہم کام پر تبادلہ خیال کر سکیں گےاور ایسے طریقے تلاش کرنے پر غور کریں گے، جن میں پبلک پرائیویٹ پارٹنرشپ موسمیاتی تبدیلی سے نمٹنے میں مدد کر سکتی ہو۔
واضح رہے اس سے پہلے بکنگھم پیلس کی جانب سے جاری کیے گئے ایک بیان میں اس خبر کی تصدیق کر دی گئی تھی کہ کنگ چارلس مصر میں منعقد ہونے والے موسمیاتی تبدیلی کے سربراہی اجلاس ’سی او پی 27‘ میں شرکت نہیں کریں گے۔
Comments are closed.